DAT   TÜDDELBAND

 

Text:
Dor ün'n op'n Hoff steiht'n luerlütje Deern
mit'n Band in'e Hand, ganz alleen
und dat Band dat geiht rund
övern Kopp, övern Grund
und denn küselt eer dat mank de Been
und se dreiht sick und freit sick
de luerlütje Deern
und denn geiht dat waer los vun vörn.

Und waer flücht dat Band dör de Luft, övern Sand
överwech, ünnerdör, hin und her
und se hüppt op und dahl
man blots jümmer dreemal
und denn küselt dat Band an'e Eer,
doch se dreiht sick und freit sick
de luerlütje Deern
und denn geiht dat waer los vun vörn.

Und so geiht dat denn wohl noch'n paar hunnert mal
överwech, ünnerdörch, hin und her
und denn jümmer noch mal
dreemal hoch, dreemal dahl
und denn küselt dat Band an'e Eer,
doch se dreiht sick und freit sick
de luerlütje Deern
und denn geiht dat waer los vun vörn.

Und waer flücht dat Band dör de Luft, övern Sand
und küselt dat waer hin und her
doch, - denn hakt dat noch mal
man, dat fallt nich mehr dahl
- und dor kann se mit eenmal een mehr!
Und dor freit se sick, dreiht se sick
luerlütje Deern -
und denn geiht dat waer los vun vörn.
---------------------------
luerlütt - sehr klein
küselt - dreht, fällt
jümmer - immer
waer - wieder

Musik / Text: Rainer Prüß

 

Quelle: https://liederjan.bandcamp.com/track/dat-t-ddelband